Informacije wšitkim křižerjam Chróšćan procesiona

Wažne zakłady za kóždeho křižerja su na prěnjej a poslednjej stronje w "Křižerskej" zapisane.

Tu dalše pokiwy:
- wobdźěl so na njedźelskich kemšach a na křesćanskim žiwjenju - přez cyłe lěto
- wobdźěl so na póstnych prědowanjach a na křižowych pućach
- wobdźěl so Wulki Pjatk na liturgiji, za tutón čas so njewujěcha a wzdaj so cyły dźeń alkohola - to je póstny a abstinentny dźeń!
- prawidłowne přijimanje sakramentow, wosebje tež sakrament pokuty je zakład kóždeho křesćana a křižerja
- kóždy křižer ma so priwatnje zawěsćić (Privathaftpflichtversicherung; inbegriffen ggf. Tierhalter oder Tierhüter fremder Pferde; Unfallversicherung inbegriffen Reiten)
- cyrkwinska zawěsćernja steji jenož Jutry njedźelu k dispoziciji a nimo toho njerukuje za wšitke situacije
- za tutu je dočasne zapisanje do lisćiny wobdźělnikow trěbne
- kóžde njezbožo w zwisku z křižerstwom ma so w běhu 24 hodźin na farje w Chrósćicach (tel.035796/80400) přizjewić (Unfallbericht)
- kóždemu nowačkej njech nazhonity křižer poboku steji
- za nowačka: wobdźěl so na spěwnych probach
- Smartphone, pirsinki, nawušnicy etc. njech doma wostanu!
- włosy / broda njech nikoho njeprowokuje
- wobdźělenje kóždeho křižerja na křižerskej zhromadźiznje je wažne, słuži k rjadowanju aktualnych a organizatoriskich prašenjow
- zwonka wosady bydlacy křižerjo njech so pola nawody procesiona přizjewja

wažne terminy:
- křižerska zhromadźizna: pjatk 31.3., spočatk je w 19 hodź. z Božej mšu
- přinošk za techniku so přez wjesneho nawodu do jutrow hromadźi
- wěnčk z myrty za nowačka abo jubilara so prošu do Jutrowneje nocy w 19:30 hodź. abo Wulki pjatk do Liturgije na farje abo w sakristiji z připinjenym mjenom a jehličku woteda
- Jutrońčku so w 12:15 hodź w Chrósćicach hromadźimy
- dźakna křižerska Boža mša w Róžeńće: Jutry wutoru spočatk je w 19 hodź.
- dźakna křižerska Boža mša w Chrósćicach a bjesada na Krawčikec žurli: Jutry pjatk spočatk w 19 hodź. z wječornej Božej mšu (za bjesadu so kartki pola Krawčikec, do Jutrowneje srjedy so předadźa)

drasta křižerja:
- čorna suknja, čorne jěchanske škórnje a cholowy
- běła košla a čorna krawata, po potrjebje ćmowy pulower
- čorny cylinder, čorne rukajcy ale žadyn widźomny šawl abo stejacy kornar
- jenož we wulkej nuzy a při trajacym dešću transparentny abo čorny poncho wužiwać

utensilije křižerja:
- swjaty róžowc a "Křižerske"
- ewentuelnje kapsne pjenjezy

Wšitke zakłady křižerja namakaće tež w tu zapołoženej pdfce.