Wuběr rěčow:
Družča drasta we wosadnym a swójbnym žiwjenju
Hdy nosy so družća drasta w běhu lěta?
Družća drasta je w katólskich narodnych drastach najmarkantniša a najwobšěrniša. Za krótki čas je holcam móžno ju k wšelakim přiležnosćam nosyć.
We wšelakich warijantach nosy so drasta při swójbnych swjedźenjach, to rěka na kwasach a při kmótřenju. W běhu cyrkwinskeho lěta widźimy družki na Bože Ćěło (1. do 9. lětnik), při procesjónach do Róžanta (młodźina), při swjedźenju spožćenja sakramenta swj. eucharistije (3. lětnik) a swj. firmowanja (8. do 10. lětnik).
 |
družka na Bože Ćěło
- małe rubiško
- běły kitlk
- wušiwany chribjet a wokołopasacy bant, rosa sekla na hłowu
družka do Róžanta
- małe rubiško
- běły kitlk
- spódnja suknja ze šěrokej somoćanej bortu, dokelž so dołha čorna suknja po puću wuzběha
- wušiwany chribjet a wokołopasacy bant, rosa sekla na hłowu
družka na prěnje swjate woprawjenje
- běły kitlk a małke rubiško
- běłe, jenož z myrtu debjene (našite abo wušiwane) sekle za chribjet a wokołopasacy bant, běłu seklu na hłowu
družka k přijeću sakramenta swjateho firmowanja a družka jako kmótra na křćiznu
- čorny pjezl (město běłeho kitlka)
- wulke rubiško
- wušiwany chribjet a wokołopasacy bant, rosa sekla na hłowu
Swjatki póndźelu
7:00 hodź. wotchad procesjóna z farskeje cyrkwje
9:00 hodź. putniska Boža mša w Róžeńće, potom wróćopuć
Marije wopytanja 2.7.
hdyž wotydźenja:
17:00 hodź. wotchad procesjóna z farskeje cyrkwje
19:00 hodź. putniska Boža mša w Róžeńće
hdyž kónc tydźenja: - kaž Swjatki
Marije naroda 8.9.
hdyž wotydźenja:
17:00 hodź. wotchad procesjóna z farskeje cyrkwje
19:00 hodź. putniska Boža mša w Róžeńće
hdyž kónc tydźenja: - kaž Swjatki
Swjatki póndźelu
6:45 hodź. wotchad procesjóna z klóšterskeje cyrkwje
9:00 hodź. putniska Boža mša w Róžeńće, potom wróćopuć
Marije wopytanja 2.7.
hdyž wotydźenja:
16:45 hodź. wotchad procesjóna z klóšterskej cyrkwje
19:00 hodź. putniska Boža mša w Róžeńće
hdyž kónc tydźenja: - kaž swjatki
Marije naroda 8.9.
hdyž wotydźenja:
16:45 hodź. wotchad procesjóna z klóšterskeje cyrkwje
19:00 hodź. putniska Boža mša w Róžeńće
hdyž kónc tydźenja: - kaž swjatki
Swjatki póndźelu
7:30 hodź. wotchad procesjóna z kapałki
9:00 hodź. putniska Boža mša w Róžeńće, potom wróćopuć
Marije wopytanja 2.7.
Žadyn swójski procesjón, putniki so Chróšćanskemu procesjónej přizamknu, kotryž někak 17:30 hodź. přez Worklecy dźe.
hdyž kónc tydźenja: - kaž swjatki
Marije naroda 8.9.
Žadyn swójski procesjón, putniki so Chróšćanskemu procesjónej přizamknu, kotryž někak 17:30 hodź. přez Worklecy dźe.
hdyž kónc tydźenja: - kaž swjatki
Za nošenje postawy swj. Marije do Róžanta je za kóždy procesjón přizjewjenje trěbne. Lisćina za to leži stajnje do toho w farskej cyrkwi we hłownym zachodźe, a w klóšterskej cyrkwi zady na blidźe.
Prošu wobkedźbujće wozjewjenja za časy wotchada procesjóna a časa Božeje mšě w Róžeńće!
Předešćnik za kóžku družku mamy w Chróšćanskim procesjónje we wosadnym nachribjetniku sobu. Tam móže so tohorunja wosadnik družki zapakować.
Dalše informacije dóstanješ pola družkow, kotrež do Róžanta chodźa, pola Jěwy Kušineje (Chrósćicy) abo na farje.
Do Róžanta
Do Róžanta swjaty puć so hnuja
Z ranjom k česći swjatej´ Marije
Z mócnym zahorjenjom kěrlušeja
Jej a modla so rózarje.
Prědku čerwjene du khorhowje,
Srjedźa družki njesu na ramjenjach
W bantow, parlow, šnórow wupyšenjach
Swjatu Mariju z krónu na hłowje.
Hižo Róžeńčanski strowi Boži
Dom a zwony rjenje witaju.
Hdyž hordoznje so črjódow kěrluš množi
Kotrež k Róžantej so hibaju.
Z Ralbic, z Njebjelčic a z Kulowa,
Z Khrósćic, z Budyšina, wot Radworja
Črjódam pobožnym so duše horja
Z Klóštra, z Kamjeńca a z Wotrowa.
Mnohosć khorhowjow kaž lěs so zběha
Črjódy wodźi knjez, kiž přišłe su,
Do cyrkwje. Spěw z tysac šijow lěha
K njej so a zwony wšitke jdu.
Swjaty woheń kóžde woko ma,
We wutrobje žanej zyma žana
Njej´, hdyž zašumja: Budź powitana,
Powitana njebjes kralowna!
Jakub Bart Čišinski / (Krajan 1938)